RC KAGERA AAGIZA POLISI KUWASAKA WALIOSHIRIKI UCHOTAJI MAFUTA KWENYE LORI LILILOPATA AJALI

Na Lydia Lugakila, Kagera
Mkuu wa mkoa wa Kagera Brigedia Jenerali Marco Gaguti amemuagiza mkuu wa jeshi la polisi mkoani Kagera  kufanya msako mkali wa kuwabaini wananchi katika eneo la Benako wilayani Ngara mkoani  hapa waliohusika katika zoezi la  kuchota mafuta au kujaribu kuchota mafuta kwenye lori la mafuta lililopata ajali  jana  asbuhi, August 25 2019,

Akionyesha kusikitishwa na tukio hilo Mkuu wa mkoa Brigedia Jenerali Gaguti amesema kuwa  hakika ni hali ya kusitajabisha na kuuzunisha kutokana na tukio hilo lililowahusisha wanawake , wanaume na watoto walioonekana katika clip ya video inayotembea kwenye mitandao  mbali mbali ya kijamii  ikionyesha baadhi ya wananchi katika eneo la Benako wilayani Ngara mkoani hapa wakichota mafuta  k kwenye lori la mafuta lililopata ajali   August 25 2019.

Mkuu huyo wa Mkoa alisema video hiyo inayowaonyesha wananchi hao wakichota mafuta na kusema kuwa  waliohusika katika  ni wanawake, wanaume na watoto walionekana na vidumu pamoja na Ndoo.

Imeelezwa kuwa  ajali hiyo imelihusisha gari aina Fuso, lenye namba za usajili 456 CMI   lililokuwa likiendeshwa na mtu mwenye asili ya Kiarabu na kuwa amepelekwa katika hospitali iliyopo wilayani humo ili kupatiwa matibabu.

Kufuatia hali hiyo Brigedia Marco Gaguti amemuagiza Mkuu wa Jeshi la Polisi mkoani hapa  kufanya msako mkali katika maeneo ya  vijiji jirani na kuhakikisha wahusika waliojaribu wa walochota mafuta wanatiwa nguvuni.

‘’Hali hii inadhihilisha kwamba kuna baadhi ya wananchi hawajajifunza au hawataki kujifunza kutokana na ajali iliyotokea August  10 mwaka huu huko mkoani Morogoro hivyo basi Naagiza Wahusika hao wakamatwe mara moja ili wafikishwe katika vyombo vya sheria.

Aidha mkuu wa mkoa ametumia fulsa hiyo kutoa onyo kwa wanakagera na watanzania wote kwa ujumla kutambua kuwa ni vyema kujiepusha na Matukio ambayo yanaweza kusababisha madhara makubwa katika taifa hili.

Amesema kuwa Mkoa wa Kagera unazo njia za kwenda  nchi jirani za Rwanda , Burundi, na Uganda na kumekuwa na magari mengi na makubwa  ya bidhaa mbali mbali ikiwemo mafuta na Magari hayo hutumia njia hizo hivyo ni vyema kujiepusha na matukio yoyote yale ambayo kwa njia moja ama nyingine yanayoweza kuleta madhara na kuleta vilio katika taifa la tanzanzania