RAIS MAGUFULI NI MTU TULIYEPEWA NA MUNGU

Katibu Itikadi na Uenezi Chama Cha Mapinduzi (CCM), Humphrey Polepole amesema kuna kila sababu ya kumuunga mkono Rais Magufuli katika yale anayofanya kwani ni zawadi kutoka kwa Mungu.

Amesema hayo katika mahojiano na kituo cha Radio, Ebony FM katika ziara yake mkoani Iringa.

"Tumtazame Rais Magufuli kama mtu tuliyepewa na Mungu kama zawadi, tumuombee na tumuunge Mkono". amesema Polepole.

Pia Polepole aliwanyooshea vidole wabunge wa chama hicho ambao amedai kuwa wameamua kuungana na walaguzi wa zao la korosho.

"Kuna Wabunge wa CCM waliamua kuunga mkono walanguzi wa korosho, tunajiuliza sisi ni Chama cha kijamaa, Wabunge wa Chama cha kijamaa wanaunga vipi mkono walanguzi" amesema Polepole.

Ameendelea kwa kusema, "Nawapongeza sana wabunge wa CCM ambao wamekuwa mstari wa mbele kukosoa kwa staha, kushauri na kutoa dira katika nchi yetu".