MELI KUBWA YA KUVINJARI YAIGONGA BOTI YA WATALII

Meli kubwa ya kuvinjari imegonga boti ya watalii baada ya injini yake kufeli katika ujia wa Giudecca mjini Venice jana Jumapili.

Meli hiyo yenye urefu wa mita 274 iligonga boti ndogo ya Michelango baada ya kupoteza mwelekeo kabla ya kutia nanga.

Meya wa Venice Luigi Brugnaro amethibitisha kuptia ukurasa wa twitter kuwa meli hiyo iliigonga boti.

Vyombo vya habari vya Italia viliripoti kuwa watu walipata majeraha madogo. Watalii hao wenye umri kati ya miaka 67 na 72 ni kutoka Australia, New Zealand na Marekani.

Ajali hiyo ilitokea kwenye ujia wa Giudecca katikati mwa mji wa Venice. Kwa miaka mingi, maafisa wa serikali za miji wamekuwa wakijadiliana iwapo meli kubwa zinapaswa kuruhusiwa kutumia njia hiyo ya maji kutokana na uwezekano wa kuchafua mazingira.