Kocha Mkuu wa Simba SC, Patrick Aussems amezungumzia mchezo wao wa Ligi Kuu Soka Tanzania Bara (TPL) leo dhidi ya Lipuli FC.

Kocha Patrick Aussems amesema anafahamu mchezo huo utakuwa mgumu ila wamejipanga kikamilifu ili kupata pointi tatu muhimu.

"Tunajua utakuwa mchezo mgumu lakini tumejiandaa na ukizingatia tumefanya vizuri katika michezo tuliyocheza wiki iliyopita, tunataka kuliendeleza hilo na tupo tayari,” amesema Kocha huyo.

Kwa sasa Simba SC ipo nafasi ya tatu kwenye msimamo wa Ligi ikiwa imejikusanyia pointi 45 katika michezo 18 waliyocheza hadi kufikia sasa, wapinzani wao wa jadi Yanga SC wanaongoza wakiwa na pointi 61 walizopata kwenye michezo 25.