MAMLUKI 100 WA SAAUDIA WAANGAMIZWA YEMEN, 155 WAJERUHIWA

Kwa akali mamluki 250 wa Saudi Arabia wameuawa na kujeruhiwa katika operesheni za kulipiza kisasi zilizofanywa na vikosi vya Yemen katika mkoa wa Jizan, ndani ya mwezi uliopita pekee wa Januari.

Duru za habari zimeliambia shirika la habari la Saba kuwa, mamluki wasiopungua 100 na wanajeshi saba 7 wa muungano vamizi wa Saudia waliuawa katika operesheni hizo za mwezi uliopita, karibu na Mlima wa al-Nar mkoani Jizan.

Kadhalika mamluki zaidi ya 150 wamejeruhiwa katika operesheni hizo za kulipiza kisasi za vikosi vya Yemen vikishirikiana na wapiganaji wa kujitolea.

Habari zaidi zinasema kuwa, magari ya deraya ya muungano huo vamizi wa Saudia yameharibiwa katika opereshani hizo.

Mmoja wa mamluki wa Saudia aliyeangamizwa na vikosi vya Yemen

Saudi Arabia ilianzisha mashambulizi makali ya kikatili dhidi ya wananchi Waislamu wa Yemen mwezi Machi 2015 kwa kushirikiana na baadhi ya nchi za Kiarabu hasa Imarati na kwa kutumia silaha zinazopewa na nchi za Magharibi.

Hadi sasa watu karibu 15,000, wengi wakiwa ni watoto na wanawake wameshauawa na makumi ya maelfu ya wengine kujeruhiwa huko Yemen, lakini wavamizi hao hadi sasa wameshindwa kufikia malengo yao batili.