UWT YAWATAKA WANAFUNZI KUVAA 'MAGAUNI MANNE' KWA MPANGILIO ILI KUFANIKISHA NDOTO ZAO A MAISHA

             Wasichana wametakiwa kujipanga 'kuvaa magauni manne' ili kuhakikisha ndoto zao za maisha zinakamilika ambapo magauni hayo yametaajwa kuwa ni  ni Sare ya Shule, Joho la Mahafari (Graduation), Gauni la Harusi na Gauni la Ujauzito ambalo ni la nne.

             Hayo ni katika baadhi ya  yaliyosemwa na Katibu Mkuu wa Jumuiya ya Wanawake Tanzania (UWT) Queen Mwanshinga Mlozi (PICHANI), wakati akizungumza na Waanadishi wa Habari jana, katika Ukumbu wa Kamati Kuu, Ofisi Ndogo ya Makao Makuu ya CCM, Lumumba jijini Dar es Salaam.

IFUATAYO NI TAARIFA KAMILIMI

                                                                               MKUTANO WA VYOMBO VYA HABARI NA KATIBU MKUU WA UWT TAIFA KITAKACHOFANYIKA UKUMBI WA KAMATI KUU OFISI NDOGO YA MAKAO MAKUU YA CCM LUMUMBA 

TAREHE 23/08/2018

1.0        UTANGULIZI

Naomba kuchukua nafasi hii kumshukuru Mwenyezi Mungu kwa kutujaalia Afya njema, aidha nichukue fursa hii kuwakaribisha watanzania wote wanawake kwa wanaume kuja kunisikiliza nikizungumza kuhusu masuala ya Umoja wa Wanawake Tanzania .

2.0        PONGEZI KWA MHESHIMIWA DKT. JOHN POMBE MAGUFULI RAIS WA JAMHURI YA MUUNGANO WA TANZANIA (MWENYEKITI WA CHAMA CHA MAPINDUZI TAIFA)

i)            Pongezi kwa mwenyekiti wa UWT Taifa

ii)           Uteuzi wangu.

iii)         Utekelezaji wa Ilani ya CCM ya Uchaguzi (2015 – 2020).(ambao ndio mkataba wetu na  wananchi

Sekta za huduma za Kijamii zinazomgusa mwanamke. (ilani sura ya nne uk 81-109 inaeleza  kuwa hizi ni nyenzo muhimu katika kuondoa umaskini na kuharakisha maendeleo ya wananchi.)

(a)          Sekta ya Afya.

          Kwa muda mfupi takribani miaka miwili na nusu tumeona ongezeko la bajeti na ujenzi wa Vituo vya Afya 260. Vituo hivi vina hadhi ya Hospital kila kituo kimepewa jumla ya Tshs. 700,000,000/= Milioni 500,000,000/= kwa ajili ya ujenzi na Tshs. 200,000,000/= kwa ajili ya vifaa vya Tiba. Nina imani vituo hivi vitapunguza vifo vya mama na mtoto       

(b)         Sekta ya Elimu.

-      Elimu bure kwa wanafunzi wa Shule ya Msingi na Sekondari.

-      Ongezeko la mikopo ya Elimu ya Juu kutoka Bilioni 80 hadi takribani Bilioni 500. Hivyo, wasichana tunawahimiza kusoma kwa bidii ili kuunga mkono juhudi za Mhe. Dkt. John Pombe Magufuli Rais wa Jamhuri ya Muungano wa Tanzania (Mwenyekiti wa Chama Cha Mapinduzi). Mfano, kuwasisitiza watoto wakike kutokupata mimba/ndoa za utotoni.

Wasichana Wanatakiwa kujipanga kuvaa magauni manne:

-Gauni la kwanza: Sare ya Shule.

-Gauni la pili:          Joho la Mahafari (Graduation)

-Gauni la tatu:        Gauni la Harusi.

-Gauni la nne:         Gauni la Ujauzito.

Wasichana wanaharibu ndoto yao kwa kuanza kuvaa gauni la nne bila kufuata mpangilio

c)  Elimu ya Ufundi Stadi

Serikali ya Chama Cha Mapinduzi imeamua kufanya majaribio kutoa mafunzo kwa Vijana hasa ya kujiunga na Mafunzo ya VETA ambayo yatakuwa ni bure. Hii ni utekelezaji wa kupunguza tatizo la Ajira kwa Vijana sambamba na kumwandaa katika kujiajiri. Hii ni fursa ya pekee kwa watoto wakike.

d) Sekta ya Maji.

Bajeti ya Sekta ya Maji imeongezeka ikiwa ni sambamba na kuanzisha miradi mikubwa ya maji katika maeneo mbalimbali Nchini. Mhe. Dkt. John Pombe Magufuli wakati wa Kampeni 2015 alitoa ahadi ya kumtua Mwanamke Ndoo kichwani. (zaidi ya billion 700 zimekwishatolewa na takribani trillion 1.7  kwa miaka mitatu ijayo zimepangwa kutolewa)

Pamoja na hayo Umoja wa Wanawake wa Tanzania (UWT) kwa kuzingatia Ilani ya Chama Cha Mapinduzi na Katiba ya UWT inazungumzia juu ya kumkomboa Mwanamke:

-                                              Kiuchumi

-                                              Kijamii

-                                              Kisiasa

3.0     VIPAUMBELE VYA UMOJA WA WANAWAKE WA TANZANIA (UWT) (2018/2019)

7.1     Kwa kuzingatia Ilani ya Chama Cha Mapinduzi na Katiba ya UWT tumeandaa Mpango kazi ambao vipaumbele vipo 18 (2018 – 2022) kwa mwaka wa kwanza (2018 – 2020) tuna vipaumbele vifuatavyo:-

i)        Kusimamia na kufuatilia Utekelezaji wa Ilani ya Chama Cha Mapinduzi (2018 – 2020) hasa katika huduma za Jamii

       -Maji

       -Elimu

       -Afya Mama na Mtoto

ii)       Kujiimarisha Kiuchumi, kubuni vyanzo vipya vya mapato na kuimarisha vilivyopo kuanzia ngazi ya Kata, Taifa. Sambamba na kubainisha mali zote za UWT.

iii)     Kuongeza Idadi ya wanachama kuanzia ngazi ya Tawi hali Taifa, kwani wanawake ni Mtaji hasa nyakati za Uchaguzi.

iv)     Kuwajengea uwezo Viongozi, Watendaji wanachama na Vikundi vya wanawake vya Kiuchumi na Kijamii.

Ninawapongeza viongozi wa UWT (kamati za utekelezaji) ngazi ya mkoa na wilaya kwa kusimamia na kufuatilia utekelezaji wa ilani, wanafanya kazi nzuri ninawaomba kutuma taarifa makao makuu kwa ajili ya kumbukumbu

4.0        MAFANIKIO YA UWT

Umoja wa Wanawake wa Tanzania (UWT) imeendelea kuwaletea wanawake mafanikio mbalimbali katika Nyanja tofauti kama ifuatavyo:-

i)            Imeweza kuunganisha wanawake na kuwaletea mshikamano.

ii)           Kupigania haki za wanawake kwa usawa yaani 50 – 50 ambapo mpaka sasa tumefikia asilimia zaidi ya 36 na bado tunaendelea.

iii)         Kuwajengea uwezo, kuelimisha Jamii na kukemea uonevu wa kijinsia na kuweza kupata Dawati la Kijinsia kuendelea kuwa kimbilio la wanawake.

Pia ofisi ya UWT ina dawati maalum la kushughulikia malalamiko/kero zinazowasibu wanawake

Ninawapongeza Viongozi wenzangu wote waliofanikisha katika kukisukuma Chombo hiki cha Wanawake ambacho ni tegemeo kubwa la Chama Cha Mapinduzi na wanawake kwa ujumla. Nani Kama Mama Hakuna. Mama ni Mlezi wa Familia, Mlezi wa Jamii, Mlezi wa Taifa. Nami ninaahidi kutumia uwezo wangu wote, nguvu zangu zote, ujuzi wangu wote na elimu niliyoipata katika kuwatumikia wanawake. Ninaomba wanitume mimi ni mtumishi wenu.

5.0     UWEZESHAJI WA WANAWAKE KIUCHUMI

Katika Ilani ya Uchaguzi Sura ya 5 Ukurasa 117 Ibara ya 61 inazungumzia Uwezeshaji wa wanawake Kiuchumi. Halmashauri nchini kwa kutumia mapato yao ya ndani yameelekezwa na Serikali ya Chama Cha Mapinduzi kutenga (4%) kwa ajili ya mikopo ya wanawake sambamba na Vijana (4%) na watu wenye Ulemavu (2%), kuwapatia mikopo hiyo bila Riba.

Tamko la Serikali ya Chama Cha Mapinduzi inayoongozwa na Mhe. Dkt. John Pombe Magufuli Rais wa Jamhuri ya Muungano wa Tanzania imetoa maelekezo kwamba fedha hizi zitolewe bila ubaguzi wa rangi,ubaguzi wa dini,ubaguzi wa itikadi, urasimu na manyanyaso ili kila mwanamke wa Tanzania aweze kupata hasa katika kuinua Uchumi wa familia na Taifa. Fedha hizi pia hazitakuwa na marejesho yenye riba.

Tunawasisitiza Makatibu wa UWT wa Wilaya kusimamia na kufuatilia mgao wa fedha hizo uendelee kuwa wa haki kwa kushirikiana na Maafisa Maendeleo ya Jamii Wilaya.

Tunawapongeza Viongozi wa Chama na Serikali kwa kusimamia na kufuatilia kutekeleza Ilani. Halmashauri ambazo hazitengi fedha hizo, Viongozi wafuatilie kuhakikisha tunatekeleza Ilani ya Chama Cha Mapinduzi.

6.0     UTEUZI WA WANAWAKE KATIKA NAFASI   MBALIMBALI

Tunaendelea kumshukuru na kumpongeza kwa Moyo wa dhati Mwenyekiti wa Chama Cha Mapinduzi na Rais wetu wa Jamhuri ya Muungano wa Tanzania kwa kuwateua wanawake na hasa vijana wa kike katika nafasi mbalimbali za juu za Maamuzi.

Umoja wa Wanawake wa Tanzania (UWT) umesikitishwa sana na baadhi ya  Kauli zilizotolewa za kudhoofisha uteuzi wa wanawake hasa vijana wa kike.

Tunamwomba Mhe. Rais asikatishwe tamaa aendelee kutuamini na kututeua katika nafasi mbalimbali za uongozi kama anavyoendelea kufanya sasa. Wanawake kwa umoja na mshikamano tuungane kukemea kauli hizo.

7.0     UCHAGUZI WA MAJIMBO NA KATA

Tangu awamu ya Mhe. Rais Dkt. John Pombe Magufuli Mwenyekiti wa Chama Cha Mapinduzi zimefanyika chaguzi kadhaa za marudio za Majimbo 6 ya Kinondoni, Siha, Longido, Buyungu, Singida kaskazini na Songea Mjini na  Kata 141. Chaguzi hizi zilifanyika kikatiba, na Chama Cha Mapinduzi kimeibuka kidedea katika chaguzi zote hizo.

        Mfano:

Januari 2017 – ushindi Kata 21

Januari 2018 – ushindi Kata 43

Agosti 2018  -  ushindi Kata 77

Tunawapongeza wanawake wote wa CCM, UWT na wanawake wengine kwa kuhakikisha ushindi wa kishindo unapatikana. Umoja wa Wanawake wa Tanzania (UWT) inalaani vitendo vya vitisho vinavyotolewa kwa wanawake na baadhi ya Vyama vya Siasa ili wanawake wasitoke kupiga kura.

Jambo hili tumelifuatilia na kuwaomba wanawake tuendelee kupambana kwa nguvu zetu zote kwani tangu Uhuru wanawake walikuwa wapambanaji katika kuikomboa nchi yetu kutoka kwa Wakoloni.  UMOJA NI USHINDI.

Tunaiomba Serikali yetu sikivu ya Chama Cha Mapinduzi,  inayoongozwa na Mhe. Dkt. John Pombe Magufuli ihakikishe inaendelea kuboresha mazingira mazuri ya Ulinzi na Usalama hasa wakati wa Uchaguzi sambamba na nyanja zingine kwa lengo la kuwalinda wanawake na watoto

MWISHO

Wanawake tuendelee kuchapa kazi na kuhakikisha tunaakisi kauli za Mhe.Rais wetu ya HAPA KAZI TU. Umoja wa wanawake unategemea kuona wanawake wanawajibika kila mtu kwa nafasi yake aidha wanawake tuna mchango mkubwa wa kuhakikisha Tanzania ya viwanda inayopelekea uchumi wa kati.

Asanteni sana kwa kunisikiliza.

Nawashukuru wote kwa ujio wenu, Mungu awabariki

WANAWAKE NI JESHI KUBWA TUJITAMBUE NA KUJITHAMINI

Mungu Ibariki Afrika.

Mungu Ibariki Tanzani.

Mungu Ibariki UWT.

CCM MPYA, TANZANIA MPYA

CCM MPYA , UWT MPYA

KIDUMU CHAMA CHA MAPINDUZI

………………….

Mwl. Queen Mwanshinga Mlozi

Katibu Mkuu wa UWT-Taifa