RAIS DK. MAGUFULI AMTEUA MKUU WA WILAYA YA MANYONI KUWA MKURUGENZI MTEDAJI WA KITUO CHA UWEKEZAJI TANZANIA (TIC)

Ikulu, Dar es Salaam
Rais Dk. John Magufuli amemteua Geoffrey Idelphonce Mwambe kuwa Mkurugenzi Mtendaji wa Kituo cha Uwekezaji Tanzania (TIC).

Taarifa iliyotolewa na Kurugenzi ya Mawasiliano ya Rais, Ikulu jijni Dar es Salaam, leo, imesema, kabla ya Uteuzi huo Geoffrey Idelphonce Mwambe alikuwa Mkuu wa Wilaya ya Manyoni Mkoani Singida na kuongeza kuwa nafasi ya Mkuu wa Wilaya ya Manyoni itajazwa baadaye.

Taarifa imesema, wakati huo huo, Rais Magufuli amemteua Clifford Tandari kuwa Katibu Tawala wa Mkoa wa Morogoro, kuchukua nafasi ya Dk. John Ndunguru ambaye amestaafu.

Kabla ya uteuzi huo Clifford Tandari alikuwa Kaimu Mkurugenzi Mtendaji wa Kituo cha Uwekezaji Tanzania (TIC). Uteuzi wa viongozi huo unaanza mara moja.

0 comments:

Post a Comment

Mdau, Uwanja huu ni wako, Toa maoni yako yasaidie kujua wewe unafikiri nini kifanyike kuboresha zaidi maisha ya Watanzania. Maoni yako yasilenge kuchochea mtafaruku katika jamii, kisiasa, kidini, kikabila au kijinsia. Mawasiliano yetu:- simu +255 (0) 712 498008, Email: nkoromo@gmail.com.
Bashir Nkoromo
Msimamizi Mkuu, Blog ya Taifa ya CCM.