VYAMA NA WAGOMBEA UCHAGUZI MDOGO ZANZIBAR WAASWA

Na Aron Msigwa – NEC, Zanzibar.
Tume ya Taifa ya Uchaguzi (NEC) imevitaka Vyama vya Siasa na wagombea watakaoshiriki Uchaguzi mdogo katika jimbo la Dimani  visiwani Zanzibar  kuzingatia Sheria, Kanuni, Taratibu na Maadili ili Uchaguzi huo uwe huru na wa haki na kuwawezesha wananchi kuchagua viongozi wanaowataka.

Kauli hiyo imetolewa leo mjini Zanzibar na Mwenyekiti wa Tume ya Taifa ya Uchaguzi Jaji Mstaafu Damiani Lubuva wakati akizungumza na Viongozi 19 wa vyama vya Siasa waliohudhuria mkutano wa maandalizi ya kufanikisha Uchaguzi mdogo wa jimbo la Dimani utakaofanyika Januari 22, 2017.

Amewataka viongozi wa Vyama vya Siasa waliohudhuria mkutano huo waendelee kudumisha hali ya amani na Utulivu wakati wa kampeni za vyama vyao zinazotarajiwa kuanza hivi karibuni  pia kutoa ushirikiano kwa Waratibu na Wasimamizi wa Uchaguzi huo.

“Ni matarajio ya Tume kuwa, Vyama vya Siasa vitatoa ushirikiano wa hali ya juu ili kuhakikisha uchaguzi wetu katika jimbo la Dimani unakuwa  Huru na wa Haki, lengo hili litafanikiwa tu iwapo vyama na wagombea wote watazingatia na kufuata sharia na maelekezo na maadili ya Tume” Amesisitiza Jaji Lubuva.

Amevitaka vyama vyote vitakavyoshiriki katika uchaguzi huo wakati wa kampeni vijikite katika kuelezea Sera zao na si vinginevyo pia kuepuka matumizi ya lugha ambazo zinaweza kusababisha machafuko.

Ameeleza kuwa katika kufanikisha uchaguzi huo kila Chama cha Siasa kina haki ya kuteua Wakala mmoja kwa kila kituo cha kupigia kura ili kuongeza uwazi katika uchaguzi huo na kuongeza kuwa mawakala hao watapangwa kwenye vituo vilivyo ndani ya Shehia wanakoishi ili waweze kuwatambua wapiga kura katika eneo husika.

“Vyama vyote lazima muhakikishe kuwa mawakala mnaowateua wanaelewa hatua zote muhimu za uchaguzi vituoni kuanzia hatua ya kwanza ya kufungua kituo hadi kutangaza matokeo” Amesisitiza.

Aidha, Mhe. Lubuva amewasisitiza viongozi wa vyama hivyo watambue kuwa watu watakaopiga kura Januari 22,2017 ni wale walioandikishwa kwenye daftari la kudumu Wapiga Kura ambao watakuwa na Kadi za kupigia kura na si vinginevyo.

“ Naomba ninyi viongozi wa vyama vya Siasa muwakumbushe wanachama wenu walio na sifa na kadi za kupigia kura wajitokeza siku ya kupiga kura, pia muendelee kuwahamasisha wajitokeze kwa wingi  kupiga kura siku  hiyo” Amesema Mhe. Lubuva.

Katika hatua nyingine Mhe. Lubuva amewakumbusha viongozi hao kuwa wananchi wakishapiga kura hawapaswi kubaki katika eneo la vituo vya kwa kuwa vyama hivyo vitakuwa na Mawakala ndani ya vituo hivyo  na kuongeza kuwa ni marufuku kwa mgombea , Chama cha Siasa au Wakala kufanya kampeni Siku ya Uchaguzi kwani mwisho wa kupiga kampeni ni siku moja kabla ya siku ya uchaguzi.

Kwa upande wake Mkurugenzi wa Uchaguzi wa Tume ya Taifa ya Uchaguzi (NEC) Bw. Kailima Ramadhan akizungumza na viongozi wa vyama hivyo amesema kuwa maandalizi ya uchaguzi huo yanaendelea vizuri huku akisisitiza kuwa ni matarajio ya Tume kuwa Vyama vyote vitazingatia Katiba, Sheria, Kanuni, Maelekezo na taratibu zote halalali zitakazotolewa na NEC.

Amewataka viongozi wa vyama hivyo kuwa mstari wa mbele kuwahamasisha wapiga kura wao kuepuka kufanya vitendo vya vurugu au viashiria vyovyote vya vurugu au uvunjifu wa amani ili wananchi wote waweze kutimiza haki yao ya kikatiba ya kuwachagua viongozi wanaowataka.

Ametoa wito kwa wananchi wa jimbo la Dimani walioandikishwa kupiga kura wajitokeze kwa wingi Januari 22, 2017 kwenda kupiga kura ili kufanikisha uchaguzi huo.

Kuhusu kampeni za vyama hivyo amesema kuwa zitaanza Desemba 23, 2016 hadi Januari 21, 2017 na kuvitaka vyama hivyo viwasilishe ratiba zao za kampeni kwa Msimamizi wa Uchaguzi wa jimbo hilo ili viweze kukubaliana ambapo kampeni zitakua zinaanza saa 2:00 asubuhi hadi saa 12:30 jioni.

Kwa upande wao viongozi wa vyama vya Siasa waliohudhuria mkutano huo kutoka vyama 19 wakizungumza kwa nyakati tofauti wameipongeza Tume ya Taifa ya Uchaguzi kwa kutekeleza majukumu yake kwa mujibu na kuahidi kutoa ushirikiano kwa waratibu na wasimamizi wa uchaguzi huo.

Viongozi waliohudhuria mkutano huo mjini Zanzibar wanatoka katika vyama vya  ACT WAZALENDO,ADA, ADC,AFP, CCK, CCM, CHADEMA, CUF, Demokrasia Makini, DP, NCCR –MAGEUZI, NLD, NRA, SAU, TLP, UDP, UMD, UPDP na CHAUMA

1 comment: Leave Your Comments

  1. Hari ini saya ingin mengunkapkan tentang perjalanan hidup saya,karna masalah ekonomi saya selalu dililit hutang bahkan perusahaan yang dulunya saya pernah bagun kini semuanya akan disitah oleh pihak bank,saya sudah berusaha kesana kemari untuk mencari uang agar perusahaan saya tidak jadi disitah oleh pihak bank dan akhirnya saya nekat untuk mendatangi paranormal yang terkenal bahkan saya pernah mengikuti penggandaan uang dimaskanjeng dan itupun juga tidak ada hasil yang memuaskan dan saya hampir putus asa,,akhirnya ketidak segajaan saya mendengar cerita orang orang bahwa ada paranormal yang terkenal bisa mengeluarkan uang ghaib atau sejenisnya pesugihan putih yang namanya Mbah Rawa Gumpala,,,akhirnya saya mencoba menhubungi beliau dan alhamdulillah dengan senan hati beliau mau membantu saya untuk mengeluarkan pesugihan uang ghaibnya sebesar 10 M saya sangat bersyukur dan berterimakasih banyak kepada Mbah Rawa Gumpala berkat bantuannya semua masalah saya bisa teratasi dan semua hutang2 saya juga sudah pada lunas semua,,bagi anda yang ingin seperti saya dan ingin dibabtu sama Mbah silahkan hubungi 085 316 106 111 saya sengaja menulis pesan ini dan mempostin di semua tempat agar anda semua tau kalau ada paranormal yang bisah dipercaya dan bisa diandalkan,bagi teman teman yang menemukan situs ini tolong disebar luaskan agar orang orang juga bisa tau klau ada dukun sakti yg bisa membantuh mengatasi semua masalah anda1.untuk lebih lengkapnya buka saja blok Mbah karna didalam bloknya semuanya sudah dijelaskan PESUGIHAN DANA GHAIB TANPA TUMBAL

    ReplyDelete

Mdau, Uwanja huu ni wako, Toa maoni yako yasaidie kujua wewe unafikiri nini kifanyike kuboresha zaidi maisha ya Watanzania. Maoni yako yasilenge kuchochea mtafaruku katika jamii, kisiasa, kidini, kikabila au kijinsia. Mawasiliano yetu:- simu +255 (0) 712 498008, Email: nkoromo@gmail.com.
Bashir Nkoromo
Msimamizi Mkuu, Blog ya Taifa ya CCM.